රාත්‍රිය කියන්නේ නිදහසේ පාටට
ලොව සොඳුරුතම කලාවක්
සිතුවමට හොඳ වෙලාවක්
පෙරලන්න අපි කැමති පාටට
ලොව සොඳුරුතම කලාවක්
සිතුවමට හොඳ වෙලාවක්
පෙරලන්න අපි කැමති පාටට
හිස්ම හිස් කළුවරක
තැනින් තැන දැල්වී
තරු කියන කතා ඇත
තැනින් තැන දැල්වී
තරු කියන කතා ඇත
තබමි හූමිටි දුරස් යයි නොසිතා
කළුම කළු පොළොව මත
ඒ කතා මා අසාගෙන
කළුම කළු පොළොව මත
ඒ කතා මා අසාගෙන
අකුරු බැඳ මනකල්පිත
කව්පද පා කරන්නට
පිනිබිඳු ගුවන මත
වීදුරු කුඩු තරමටම බිඳින්නට
කව්පද පා කරන්නට
පිනිබිඳු ගුවන මත
වීදුරු කුඩු තරමටම බිඳින්නට
හදමි ඇස් පිනන පාටම
අඳිමි හද පිනන සිතුවම
සුවඳ විහිදයි සමන් මල
සැනසුම අපට මිස වෙන කාටද
අඳිමි හද පිනන සිතුවම
සුවඳ විහිදයි සමන් මල
සැනසුම අපට මිස වෙන කාටද
හිරු එබෙයි නොදැන
අප අතර ඇති සාමය
ඉදින්
බැලිය යුතු වෙයි
යලි උදේ සිට ‘පෙන්නන’ පාටම
අප අතර ඇති සාමය
ඉදින්
බැලිය යුතු වෙයි
යලි උදේ සිට ‘පෙන්නන’ පාටම
යටි හිත් මතුපිටට ගමු
අදත් ලොව නිසල වූ යාමෙම…
අදත් ලොව නිසල වූ යාමෙම…
Leave a Reply
Your email address will not be published. Required fields are marked (required)